«ҚазМұнайГаз» тұтынылатын электр энергиясының жанама шығарындыларын азайту үшін I-REC (International Renewable Energy Certificate) халықаралық жаңартылатын энергия сертификаттарын сатып алды. Компания өз жұмысынан шығарындылардың орнын толтыру үшін Қазақстанда таза электр энергиясын өндіруді қаржыландырды. 

Өтелген сертификаттардың көлемі - 8,5 млн кВт*сағ. Бұл ҚМГ корпоративтік орталығының 2022 жылы электр энергиясын тұтынуда күтілетін мөлшеріне сәйкес келеді. I-REC сертификаттары жаңартылатын электр энергиясын өндіру фактісін растайды. Олар әлемнің 51 елінде саудаланады, халықаралық стандарттар бойынша шығарылып, жаһандық ұйымдар мойындайды.  

ҚазМұнайГаз Қазақстан өңірлерінің бірінде күн электр станциясының жұмысы үшін сертификаттар сатып алды. Бұл біздің еліміздегі осындай алғашқы тәжірибе. Жаңартылатын энергияны сертификаттаудың халықаралық платформасы Қазақстанда 2022 жылы жұмысын бастады. I-REC сертификаттарының эмитенті ретінде ECOJER қауымдастығы таңдалды.

Сертификаттарды сатып ала отырып, ҚазМұнайГаз тұрақты даму мен ESG қағидаттарына бейілділігін көрсетеді.

Толығырақ мәліметті мына сілтемеден қараңыз

https://www.kmg.kz/kaz/press-centr/press-relizy/?cid=0&rid=872 

Анықтама үшін: 

The International REC Foundation (I-REC Standard) ұйымы – жасыл атрибуттарды бақылау үшін сенімді халықаралық стандартты ұсынатын коммерциялық емес ұйым. I-REC стандарты Парниктік газдар хаттамасы Greenhouse Gas Protocol немесе GHGP), Carbon Disclosure Project (CDP) және RE100 сияқты негізгі есептілік жүйелері арқылы сенімді және тексерілетін бақылау құралдарының негізі ретінде танылады. Тиісінше, I-REC сертификаттары осы стандарт негізінде шығарылады.