“Самұрық-Қазына" АҚ 2020 жылғы 3 желтоқсанда өтеу күніне облигациялар бойынша есептелген пайыздарды төлей отырып, облигациялардың номиналды құны бойынша мерзімінен бұрын толық өтелгені туралы хабарлайды.

2020 жылғы 19 наурызда "Самұрық-Қазына" АҚ ұйымдастырылған нарықта 13 ай мерзімге жалпы сомасы 129,2 млрд теңгеге облигацияларды орналастырды. Бұл ретте "Самұрық-Қазына" АҚ облигацияларды шығару шарттары бойынша 2020 жылғы 1 қазаннан кейін облигацияларды мерзімінен бұрын өтеуге құқылы, ал облигацияларды ұстаушылар тиісінше осы облигацияларды номиналды құны бойынша өткізуге міндетті.