«Самұрық-Қазына» жылжымайтын мүлік қоры» АҚ Басқарма Төрағасы болып Болатқан Сандықбаев тағайындалды.

 «Самұрық-Қазына» ҰӘҚ» АҚ Басқарма Төрағасы А.С. Есімовтің 2018 жылғы 27 қарашадағы бұйрығымен Болатқан Сандықбаев «Самұрық-Қазына» жылжымайтын мүлік қоры» АҚ Басқарма Төрағасы болып тағайындалды»,- деп жарияланды компания веб-сайтында.

Болатқан Айтқожанұлы Сандықбаев 1960 жылы туған. Алматы сәулет-құрылыс институтын «Өнеркәсіптік және азаматтық құрылыс» мамандығы бойынша бітірді.

Басшы қызметте еңбек тәжірибесі мол. «Қорғас» ШЫХО» АҚ Вице-президенті, «Астана-Құрылыс» ҰҚК» АҚ Президенті сияқты қызметтерді атқарды.

«Самұрық-Қазына» жылжымайтын мүлік қоры» АҚ Басқарма Төрағасы лауазымына тағайындалғанға дейін «Самұрық-Қазына» ҰӘҚ» АҚ компаниялары тобына кіретін «Объектілер құрылысы жөніндегі компания» корпоративтік қорының Бас директоры болып істеді.

Сондай-ақ, «Объектілер құрылысы жөніндегі компания» корпоративтік қоры Қамқоршылық кеңесінің 2018 жылғы 27 қарашадағы шешімімен Арман Жетпісбай «Объектілер құрылысы жөніндегі компания» корпоративтік қорының Бас директоры лауазымына тағайындалды.