«Самұрық-Қазына» АҚ Басқарма Төрағасы Алмасадам Сатқалиев «ЛУКОЙЛ» ЖАҚ Президенті Вагит Алекперовпен кездесіп, кездесу барысында ынтымақтастықты жетілдіру мәселелері талқыланды.

Қор басшысы, Президент Қасым-Жомарт Тоқаевтың Шетелдік инвесторлар кеңесінің қорытындылары бойынша берілген 2020 жылдың қараша айындағы тапсырмасына сәйкес Қазақстан Республикасының Үкіметімен бірлесіп, мұнай-газ саласының инвестициялық тартымдылығын жақсарту, оның ішінде Каспий қайраңындағы теңіз жобаларын дамыту бойынша белсенді жұмыс жүргізіліп жатқанын атап өтті.

«ЛУКОЙЛ» ЖАҚ «ҚазМұнайГаз» ҰК-мен бірлесіп, «Жеңіс» теңіз кенорнында геологиялық зерттеулер мен іздестіру-барлау жұмыстарын жүргізуде, сонымен қатар теңіздегі кеніштерден Қазақстанның ішкі нарығына мұнай жеткізу мәселесі қарастырылуда.

Одан басқа, үкіметаралық келісімдер аясында жүзеге асырылып жатқан Хвалын және Орталық жобаларының ТЭН әзірлеу жалғасуда. Алмасадам Сатқалиев компаниялар арасындағы өзара әрекеттестігінің жоғары деңгейін атап айтып және перспективті мұнайгаз-химиялық жобаларында белсенділікті арыттыруды ұсынды.

Қазіргі уақытта "ЛУКОЙЛ"-мен бірлесіп "Тенгиз" және "Қарашығанақ" ірі мұнай кенорындарын өңдеу, мұнайды Каспилік құбыр консорциумы арқылы тасымалдау жүргізіліп жатыр. 2019 жылы Алматы облысында "ЛУКОЙЛ" қуаттылығы жылына 100 мың тонна болатын майлау материалдарын өндіретін зауыт салды.