Жекешелендіру бағдарламасы іске қосылғаннан бері «Самұрық-Қазына» АҚ тарапынан 35 актив сатылды

682

24 Қараша 2015

Нысандар сатылымынан түскен табыс 49,5 млрд теңгені құрады.

2014 жылы Жекешелендіру бағдарламасы іске қосылған сәттен бастап «Самұрық-Қазына» АҚ жалпы құны 49,5 млрд теңгеге 35 нысан сатты.

Бүгінгі күнге дейін жалпы құны 26,5 млрд теңгеге тағы да 14 нысан жүзеге асырылды. Бұл активтер 25,5 млрд теңгені құраған бағалау құнынан 3,9%-ға қымбат сатылды.

Естеріңізге салсақ, Елбасының тиісті тапсырмасын орындау аясында Қазақстан Республикасының Үкіметі «Самұрық-Қазына» АҚ-мен бірлесе отырып 2014-2016 жылдарға арналған Жекешелендірудің кешенді жоспарын әзірлеген болатын. Бағдарламаны жүзеге асыру мемлекеттің ел экономикасына қатысуын қысқартып, ондағы жеке меншік сектордың үлесін арттыру арқылы оның негіздерін нығайтуға бағытталған.