2016 жылдың 23-24 мамырында Астанада «Самұрық-Қазына» АҚ басқарма төрағасы Өмірзақ Шөкеевтің Қордың қоржындық компанияларының директорлар кеңестері мүшелерімен VIII кездесуі өтуде. Іс-шараға қатысушылар трансформация, стратегия, жекешелендіру, меритократия мен тұрақты даму сынды өзекті тақырыптарды талқыға салды. Соның ішінде тұрақты даму мәселелері басты назарда.

«Қор компаниялар тобын трансформациялаудың негізгі сипаттары әлеуметтік тұрақтылық, еңбекті қорғау және қауіпсіздік техникасын сақтау болуы тиіс. Директорлар кеңестері алдында қойылған міндет – компанияларымызды осы көрсеткіштер бойынша көшбасшыларға айналдыру. Өндірістік ұжым үшін әлем талаптарына сай еңбек жағдайын қамтамасыз ету қажет», - деп атап өтті «Самұрық-Қазына» АҚ басқарма төрағасы Өмірзақ Шөкеев өзінің алғы сөзінде.  

Қордың қаржы және операциялар жөніндегі басқарушы директоры – басқарма мүшесі Елена Бахмутова болса, өз кезегінде қызметкерлердің кез келген компанияның басты және бағалы қоры екендеріне, және олардың бәсекеге қабілеттілікті күшейтуде маңызды рөл атқаратындарына назар аударды.

Кездесуде айтылғандай, тұрақты даму концепциясы біздің мемлекет үшін жаңашыл болып келеді, сондықтан компаниялардың санаулылары ғана осы ұстанымдарды енгізумен айналысады.

«Қор компаниялары – аймақтық экономикаларға, әлеуметтік және экологиялық ахуалға айтарлықтай ықпал ететін күрделі өндірістік холдингтер. Сол себепті, барлық компанияларда тұрақты даму ұстанымдарын енгізу үлкен мәнге ие», - деді Е. Бахмутова.

Бұл ретте ол Экономикалық серіктестік және даму ұйымына кіретін елдердің тәжірибесін үлгі етті. Осы елдерде экологиялық, әлеуметтік ахуалдың оңтайлығына жәнен корпоративтік басқаруға басымдық бере отырып, бизнесті жауапты түрде жүргізу мәселелері ескеріледі. Бір айтары, іскерлік қауымдастық тарапынан әлеуметтік жауапкершілікке ие инвестицияларға қызығушылық өсіп келеді және ғаламдық сипат алуда.

Іс-шара барысында сонымен қатар әлеуметтік тұрақтылықтың жаңа рейтингі – 2013 жылдан бері Қор тобында енгізілген бірегей жоба баршаның назарына ұсынылды. Бұл талдау өндірістік компаниялардағы көкейкесті мәселелерді анықтап, оларды дереу шешуге септігін тигізеді. «Самұрық-Қазына» тұрақты дамуға бірнеше жылдар бойында баса көңіл бөледі. Қор өз компанияларынан қызметкерлердің әлеуметтік жағынан қорғалуын талап етеді. Жыл сайын компаниялар ұжымдарында әлеуметтік шиеленістерді айқындайтын зерттеулер өткізіледі. Қор мен оның компаниялары осы зерттеулердің нәтижесінде берілген ұсыныстарды жүзеге асырады», - деп атап өтті жоба жетекшісі – «Әлеуметтік әріптестік орталығы» КҚ бас директоры Нұрлан Ерімбетов.

 Кездесудегі «Самұрық-Қазына» басқарма төрағасы Ө. Шөкеевтің сөзіне қарағанда, трансформация шеңберінде директорлар кеңестерінің рөлі күшейтілді, сондықтан компанияларда тұрақты даму стратегияларын әзірлеу мен енгізу үшін жауапкершілік оларға артылады. «Трансформация мен Қор компаниялары тобының барлық бастамалары біздің бизнестің тұрақтылығын, демек, экономиканың дамуын және Қазақстанның болашақ ұрпағының әл-ауқатын қамтамасыз етуге тиісті. Баршамызға біздің бастамалардың тиімділігі, олардың ұлттық және ғаламдық деңгейдегі табыстылығы үшін жауапкершілікті сезіну қажет», - деп өз сөзін қорытындылады Ө. Шөкеев.