Тараптар инвестициялар мен капитал нарықтары саласындағы ынтымақтастықты дамыту, сондай-ақ Гонконг әкімшілігі басшысы Джон Лидің Қазақстанға ресми сапары аясында қол қойылған өзара түсіністік туралы Меморандумды іске асыру мәселелерін талқылады.

Нұрлан Жақыпов «Самұрық-Қазына» қорының алғашқы панда-облигацияларын орналастыру және «ҚазМұнайГаздың» дим-сам облигацияларын шығару кезіндегі CICC-пен табысты серіктестікті атап өтті.

2026 жылдың соңына жоспарланған «Қазақстан темір жолы» АҚ IPO-сының дайындығына ерекше көңіл бөлінді. Тараптар халықаралық инвесторлармен өзара іс-қимыл және компанияны жаһандық капитал нарықтарына шығару мәселелерін талқылады.

China International Capital Corporation – Қытайдың жетекші инвестициялық банкі. Компания қаржылық қызметтердің толық спектрін ұсынады, Қытай аумағында 200-ден астам кеңсесі және Гонконг, Нью-Йорк, Лондон, Сингапур, Франкфурт, Токио, Вьетнам және Дубайда өкілдіктері мен еншілес компанияларының желісі бар.