Жиынға «Самұрық-Қазына» АҚ басқарма төрағасы Нұрлан Жақыпов, Қытайдың Атом энергиясы агенттігі төрағасының орынбасары Лю Цзин (LIU Jing), CNNC вице-президенті Чжан Кай (ZHANG Kai), «Қазатомөнеркәсіп» басшысы Мейіржан Юсупов және басқа да өкілдер қатысты.

Екі жақ атом энергетикасы саласындағы ынтымақтастықты одан әрі дамыту мүмкіндіктерін талқылады.

China Atomic Energy Authority (CAEA)  – атом энергиясын бейбіт мақсатта пайдалану саласын дамытуға және реттеуге жауапты ҚХР-дың мемлекеттік органы. Агенттік ядролық саладағы халықаралық ынтымақтастықты үйлестіреді, ядролық материалдардың айналымын бақылайды және ядролық қауіпсіздікті қамтамасыз ету шараларын үйлестіреді.

Ал China National Nuclear Corporation – Қытайдағы атом өнеркәсібінің жетекші компанияларының бірі. Корпорация уран өндіруден бастап атом электр станцияларына арналған отын өндіруге дейінгі барлық өндірістік кезеңдерді қамтиды. «Самұрық-Қазына» қорының портфельдік компаниясы – «Қазатомөнеркәсіп» пен CNNC ұзақ жылдан бері табиғи уран жеткізу бағытында ұзақмерзімді серіктестік орнатып келеді.