Кездесу Қазақстан мен әлемдегі ең ірі қаржы орталықтарының бірі арасындағы ынтымақтастықты кеңейту жөніндегі диалогтың жалғасы болды.

Тараптар «Самұрық-Қазынаның» 3 млрд юань көлеміндегі дебюттік панда-бондтарын сәтті орналастыруын және «ҚазМұнайГаз» АҚ-ның 1,25 млрд юань көлеміндегі дим-сам облигацияларының нарыққа шығуын атап өтті. Екі мәміле де халықаралық инвесторлардың сенімі жоғары екенін растады.

Келіссөздер барысында «Қазақстан темір жолы» компаниясының IPO-ға дайындығы және оның халықаралық жетекші алаңдарда, оның ішінде Гонконг қор биржасында листингке шығуы басты назарда болды.

«ҚТЖ IPO-сын сәтті өткізу Қазақстан мен Гонконг арасындағы қаржылық ынтымақтастықты дамытудың маңызды кезеңіне айналып, қазақстандық эмитенттердің Гонконг қор биржасына шығуын одан әрі кеңейтуге негіз болады деп сенеміз», – деді Нұрлан Жақыпов.

Кездесу барысында «Самұрық-Қазына» АҚ мен Invest Hong Kong арасында Гонконгтың қаржы нарықтарымен ынтымақтастықты дамытуға және қытайлық серіктестермен өзара іс-қимылды нығайтуға бағытталған өзара түсіністік туралы меморандумдармен алмасу рәсімі өтті.