«Самұрық-Қазына» АҚ мен Өзбекстан Республикасы Қайта құрылымдау және дамыту қоры стратегиялық серіктестікті дамытуға және экономиканың негізгі салаларында бірлескен жобаларды іске асыру үшін ортақ инвестициялық платформа құруға бағытталған ынтымақтастық туралы Негіздемелік келісімге қол қойды.

Аталған келісім металлургия, тау-кен өнеркәсібі, көлік, логистика және басқа да салалардағы бірлескен инвестициялар үшін жаңа мүмкіндіктер ашады.

Тараптар:

• жаңа инвестициялық мүмкіндіктерді іздеу және дамыту;

• ағымдағы және әлеуеті бар жобалар туралы ақпарат алмасу жайында келісім орнатты.

Құжатқа қол қою Қазақстан мен Өзбекстан арасындағы экономикалық байланыстарды нығайтуда маңызды қадам болды әрі өзара инвестициялардың өсуіне және екі ел арасындағы ұзақ мерзімді серіктестікті дамытуға ықпал етеді.