«How to Invest in Central Asia» панельдік сессиясында Нұрлан Жақыпов Орталық Азиядағы негізгі инвестициялық бағыт ретінде Қазақстанның рөлі жайлы айтып, «Самұрық-Қазына» қорының стратегиялық жобаларға бірлесіп инвестиция құю тәсілін таныстырды.

Өз сөзінде Қор басшысы Қазақстанға 370 млрд АҚШ долларынан астам тікелей шетелдік инвестиция тартылғанын, оның ішінде 61 млрд доллар АҚШ-қа тиесілі екенін айтты. Бұл - өңірге құйылған барлық инвестициялардың шамамен 60%-ы.

Айтуынша, «Самұрық-Қазына» қоры 82 млрд АҚШ долларынан астам активтерді басқарады және жалпы құны 100 млрд доллардан асатын 130-дан астам жобаны іске асырып жатыр. Қор энергетика, көлік, мұнай-газ, телекоммуникация және басқа да салаларда стратегиялық инвесторлар үшін сенімді серіктес болады.

Сөз соңында Қор басшысы «Самұрық-Қазына» сенімді серіктестік, әділ шарттар және жобаларды дамытудың ұзақ мерзімді перспективасын ұсына отырып, АҚШ инвесторларымен бірлесіп жұмыс істеуге дайын екенін атап өтті.