Ақордада Әзербайжан президентінің Қазақстанға сапары аясында «Самұрық-Қазына» қоры мен Әзербайжанның AZCON көлік және коммуникация холдингі ынтымақтастық туралы меморандумға қол қойды.

Құжат Транскаспий халықаралық көлік бағытын (Middle Corridor) дамыту саласындағы серіктестікті нығайтуға бағытталған.

Келісім аясында Каспий теңізінде RoPax санатындағы жаңа паромдарды пайдалану мүмкіндігі қарастырылған. Бұл кемелер Бакудегі Baku Shipyard кеме жасау зауытында құрастырылады.

RoPax санатты паромдар - бір мезетте жолаушылар мен көліктерді (автокөлік, пойыздар, жүктер) тасымалдай алатын заманауи кемелер.