«Самұрық-Қазына» басшысы Нұрлан Жақыпов Masdar компаниясының бас атқарушы директоры Мұхаммед Жәмил әл-Рамахимен келіссөз жүргізді.

Masdar – жаңартылатын энергетика саласындағы әлемдік жетекшілердің бірі және Жамбыл облысында қуаты 1 ГВт болатын энергия жинақтау жүйесі бар жел электр станциясы құрылысының стратегиялық инвесторы.

Тараптар жобаны жүзеге асыру барысын талқылады. Құрылыс-жөндеу жұмыстары 2026 жылы басталуы тиіс. Ал 2028 жылдан бастап нысан кезең-кезеңімен пайдалануға беріле бастайды. Толық режимде 2029 жылы жұмыс істейді деп жоспарланған.

Бұл – өңірдегі ең ірі жел энергетикасы жобаларының бірі. Ол Қазақстанның «жасыл» энергетиканы дамыту және көміртегі шығарындыларын азайту жөніндегі стратегиясының бір бөлігі болмақ.