Бүгін Алматы облысында 50 бала мен олардың ата-аналарына арналған лагерьдің алғашқы маусымы аяқталды.

Алты күн бойы балалар бейімдеу спорт түрлерін (бочча, тетербол, бейімделген футбол, корнхол, садақ ату) меңгеріп, робототехника, гипс пен балауыздан бұйым жасау, аспаздық және бейнелеу өнері бойынша шығармашылық шеберлік сағаттарына қатысты.

Мотивациялық сессиялар, психологтармен кеңестер және балалардың даму барысына ата-аналардың қатысу деңгейін арттыратын іс-шаралар өтті.

Бастама «Samruk-Kazyna Trust» қорының қаржыландыруымен және Орталық Азиядағы «ДЦП Life» қорымен бірге жүзеге асырылуда.