«Самұрық-Қазына» АҚ басқарма төрағасы Нұрлан Жақыпов Power Construction Corporation of China (PowerChina) компаниясы директорлар кеңесінің төрағасы Дин Янчжанмен кездесу өткізді.

Тараптар энергетика және инфрақұрылым салаларындағы серіктестікті нығайту мәселелерін талқылады. Сондай-ақ, Шелек дәлізінде жел электр станциясын салу және Алматы ЖЭО-2-ні көмірден табиғи газға көшіру жобалары бойынша пікір алмасты.

PowerChina – Қытайдың ірі мемлекеттік инжинирингтік және құрылыс корпорацияларының бірі. 2011 жылы Қытайдың жетекші энергетикалық және инфрақұрылымдық компанияларының бірігуі нәтижесінде құрылған. 130-дан астам елде жұмыс істейді.