Екібастұз ЖЭО 2024–2025 жж. жылыту маусымын сәтті өткізді. Осылайша, жабдықтардың жұмысы сенімді болып, жылу үздіксіз қамтамасыз етілді. Жүргізілген оңтайландыру мен жөндеу жұмыстарының арқасында отын шығыны едәуір азайды: мазутты тұтыну көлемі 3,5 есеге — 3284-тен 949 тоннаға дейін төмендеді.

Қысқа мерзімде 10 қазандық агрегаттары, турбоагрегат, күл шығару құрылымы мен басқа да инфрақұрылымға күрделі және ағымдағы жөндеу жұмыстары жүргізілді.

Нәтижесінде жабдықтардың тозу көрсеткіші 3,7%-ға төмендетеп, технологиялық ақаулар 90%-ға (191-ден 18-ге) азайды. Барлық маусым бойы жылумен қамтамасыз етудің сенімділігіне әсер ететін бірде-бір оқиға тіркелмеді.

2024 жылдың маусымынан бастап станцияны «Самұрық-Энерго» АҚ басқарады. Бүгінде келесі маусымға дайындық басталды — алда тағы 11 жөндеу жұмыстары және жаңартулар бар.