Бұл елде ол «Hyundai Engineering» компаниясының президенті Хонг Хён Сонмен кездесті.

Тараптар өзара серіктестік мәселелерін және мұнай-газ-химия саласындағы жобаларды талқылады.

Қордың портфельдік компаниясы «ҚазМұнайГаз» мұнай-газ-химия саласындағы бірқатар ірі жобаларды іске асыруда. Олар:

• Атырау облысындағы газ бөлу кешені;
• Атырау облысындағы полиэтилен шығаратын зауыт.

«Маусымда Қазақстан-Корея іскерлік кеңесінің 13-отырысында «Hyundai Engineering» және ҚМГ арасында серіктестік туралы келісімге қол қойылған, бұл ынтымақтастықты дамытуға серпін береді», - деді Жақыпов.

Hyundai Engineering — Оңтүстік Кореяның инженерлік компаниясы және әлемдегі ірі құрылыс концерндерінің бірі Hyundai Engineering & Construction-ның еншілес ұйымы.

Ол өнеркәсіптік нысандарды жобалау, сатып алу, салу және қолданысқа енгізу қызметтерімен айналысады.