Қорда жас көшбасшыларды дамытуға арналған «Жеті қадам» бағдарламасының екінші легінің қорытындысы шықты.

Бағдарламаның мақсаты — Қор компанияларының жас және тиімді қызметкерлерінен болашақ көшбасшыларды дайындау.

5 ай бойы портфельдік компаниялардың топтары жұмыс тиімділігін арттыратын жобаларды әзірледі.

Соның ішінен 15 үздік жоба таңдап алынды.

Олардың арасында «ҚазМұнайГаз» тобының қоқысты сұрыптау және ПЭТ бөтелкелерін қайта өңдеу бойынша экожобасы, «Самұрық-Энерго» тобының қызметкерлердің денсаулығын арнайы аспаптар арқылы бақылау жобасы, «QazaqGaz» өндірістік нысандарында электр көлігін енгізу жобасы және тағы басқалары бар.