Қорда компаниялар тобының басшысы Нұрлан Жақыповтың төрағалығымен бірінші жартыжылдық қорытындысы бойынша өндірістік қауіпсіздік жөніндегі кеңес өтті. Барлық портфельдік компаниялардың басшылары баяндама жасады.

Нұрлан Жақыпов өндірістегі жазатайым оқиғалардың негізгі себептері – басшылар мен жұмыскерлердің қауіпсіздік мәдениетінің жеткілікті деңгейде болмауына байланысты екенін түсіндірді. Қор басшысы өндірістік қауіпсіздік талаптарын бұзуға нөлдік төзімділік танытуға шақырды.

2024 жылдың 1-жартыжылдығының қорытындысы бойынша өткен жылдың сәйкес кезеңімен салыстырғанда өндірістегі жазатайым оқиғалар кезінде жалпы зардап шеккендер санының азаюы 31%-ды құрағанын атап өтеміз.

Бұл ретте, Қорда Өндірістік қауіпсіздік жөніндегі 2024 жылға арналған жоспар және Өндірістік қауіпсіздікті басқару жүйесін дамытудың 2024-2028 жылдарға арналған стратегиясы орындалады. Олардың орындалуы портфельдік компаниялардың бірінші басшыларының жеке бақылауында.