Астанада «OrleTECH 3.0» қайырымдылық жобасы аясында Soft skills лагерінің ашылуы өтті. Шараға Еңбек және халықты әлеуметтік қорғау министрі Светлана Жақыпова, «Самұрық-Қазына» АҚ басқарма төрағасы Нұрлан Жақыпов және «Шелл Қазақстан» компаниясының Коммерциялық мәселелер жөніндегі бас директоры Валари Ку қатысты.

Лагерьде 18-35 жас аралығындағы даму ерекшеліктері бар жастар digital-саладағы түрлі бағыттарды оқып, мамандық алып шығады.

Барлығы 90-ға жуық адам Қазақстанның үш қаласында білім алады.

Жоспарланған мамандықтардың қатарында AI-маман (ЖИ-мен жұмыс), no code - әзірлеуші, motion дизайн, UI / UX + WEB бар.

Оқу соңында жобаларды қорғау және курсты өткендігін растайтын сертификаттар табысталады. Ұйымдастырушылар тарапынан жұмысқа орналасуға, сондай-ақ қолдау және тәлімгерлік көмектер көрсетіледі.

Айта кетейік, «OrleTECH 3.0» жобасын «Самұрық-Қазына» АҚ «Шелл Қазақстан» компаниясымен бірлесіп жүзеге асыруда.