Тараптар өзара іс-қимыл мәселелерін талқылады. Нұрлан Жақыпов "Hyundai Engineering" пен Қордың мұнай-газ және мұнай-химия саласындағы портфельдік компаниясы "ҚазМұнайГаз" арасындағы ынтымақтастық туралы келісімге қол қою өзара іс-қимылды дамытуда шешуші сәт болып, екеуіне де жаңа перспективалар ашатынын атап өтті.

Hyundai Engineering - Оңтүстік Кореяның инженерлік компаниясы, әлемдегі ең ірі құрылыс концерндерінің бірі болып табылатын Hyundai Engineering & Construction еншісінде. Өнеркәсіптік нысандарды жобалауға, сатып алуға, салуға және пайдалануға беруге маманданған.

Сондай-ақ, "Samsung C&T" президенті және бас директоры О Се Чулмен кездесу өтті.

Нұрлан Жақыпов Қор компанияның қуат жинақтау жүйелері саласындағы тәжірибесіне қызығушылық танытатынын атап өтті.

Samsung C&T Corporation – іскерлік мүдделері құрылыс, машина жасау, туризм және сауда сияқты әртүрлі секторларды қамтитын Оңтүстік Кореяның көп салалы компаниясы.