Кореялық тараптан - KITA, қазақстандық тараптан – Қор Қазақстан-Корея іскерлік кеңесінде теңтөрағалық етеді. Ертең Астанада екі елдің 500-ге жуық бизнес өкілінің қатысуымен бизнес-форум форматында кеңестің 13-ші отырысы өтеді.

Кездесу аясында ынтымақтастық туралы келісімге қол қойылды. Құжат үнемі өзгеріп отыратын әлемдік экономика мен сауда ортасына сәйкес әр 5 жыл сайын Іскерлік кеңестің мақсаттары мен іс-қимыл жоспарын қайта қарастыруды көздейді.

Нұрлан Жақыпов келісімге қол қоюшы тараптардың экономикалық байланыстарды одан әрі нығайтуға, жаңа мүмкіндіктерді пайдалануға және тұрақты өсімді қамтамасыз етуге міндеттеме бекітетінін атап өтті.

KITA – Кореяның халықаралық сауда қауымдастығы, онда 73 мыңнан астам мүше-компания бар. KITA корей компанияларына бүкіл әлем бойынша мемлекеттік және жеке сектор ұйымдарымен жаһандық сауда желілерін құру арқылы сыртқы нарыққа шығуға көмектеседі.