Huawei – ақпараттық-коммуникациялық технологиялар мен смарт құрылғыларын жетекші жаһандық жеткізуші. Huawei компаниясы 170-тен астам елдер мен аймақтарда жұмыс істейді.

Корпорация Қазақстанда озық цифрлық шешімдерді енгізуде маңызды рөл атқарады. Жақында Қазақстан президенті Huawei мен Қордың портфельдік компаниясы «ҚТЖ» ҰК-мен бірлесе құрған жаңа Инновациялық орталықты ашқан болатын.

Аталмыш корпорация HUAWEI ICT академиясы жаһандық білім беру бағдарламасы аясында Қазақстанда цифрлық технологиялар саласында мамандар даярлаумен айналысады. Қазіргі уақытта республикада 41 академия ашылды, онда студенттер 5G, жасанды интеллект, деректерді жіберу және т. б. салалар бойынша білім алуда.