«Самұрық-Қазына» қорының басшысы Нұрлан Жақыпов еліміздің мұнай-газ өнеркәсібінің ардагерлері: Жақсыбеқ Құлекеев, Ләззат Қиынов, Ұзақбай Қарабалин, Анатолы Тегісбаев және Таңбай Наушиевпен кездесу өткізді.

Н. Жақыпов Қордың даму стратегиясын анықтау үшін зор үлес қосқан ардагерлердің баға жетпес көпжылдық тәжірибесіне тоқталып, кездесудің ерекше сипатын атап өтті.  

Кездесу барысында таза энергияға, мұнай өнімдеріне және оларды қайта өңдеуге байланысты өзекті мәселелер талқыланды. Ардагерлер талқылауға белсене қатысып, мұнай-газ саласын дамытудың ықтимал жолдары туралы құнды ұсыныстар енгізді, сондай-ақ болашаққа стратегиялық қадамдарды жоспарлау кезінде ескеру қажет маңызды аспектілерді атап өтті.