Бүгін «Самұрық-Қазына» және Kazakhstan Investment Development Fundбасшылығы Masdar компаниясының Орталық Азия мен Ресейдегі даму және инвестициялар бағытының басшысы Абдулла Зайедпен кездесті.

Тараптар Жамбыл облысында Masdar және KIDF-пен бірлесіп, белгіленген қуаты 1 ГВт-қа дейінгі жаңа жел электр станциясын салу жобасын іске асыру шарттарын талқылады.

Қазіргі уақытта «Самұрық-Қазына» қоры жобаға үшінші қатысушы ретінде кіру мәселесін пысықтауда. Бірінші қадам Ынтымақтастық туралы келісімге қол қою болады.

Анықтама үшін: Masdar компаниясы 2006 жылы құрылған және 23 ГВт-тан асатам ЖЭК генерациялайтын жаңартылатын энергия көздері мен жасыл сутегі саласында әлемдік көшбасшы болып табылады. Соңғы онжылдықта компания БАӘ-де және бүкіл әлемде экологиялық жағынантаза энергия, орнықты жылжымайтын мүлік және экологиялық жағынан таза технологиялар саласындағы шешімдерді әзірледі.