Оқу-жаттығулар өндірістік қауіпсіздік жүйесін жетілдіру үшін өткізілді. Апатқа қарсы жаттығу құрғақ жүктерді, мұнай мен мұнай өнімдерін тасымалдайтын Ақтау теңіз сауда портының аумағында өтті.

Ең ауыр ықтимал апаттардың бірі – айлақта жүк тиеу кезінде танкерден мұнайдың төгілуін шартты түрде оқшаулау және жою жағдайында порт, «Қазақстан темір жолы» ҰК» АҚ және «Самұрық-Қазына» қоры қызметкерлерінің ведомствоаралық өзара іс-қимылы пысықталды. Жаттығу барысында порт алдын ала әзірленген схема бойынша күштер мен құралдарды дайындады. Мұнай төгілуі ықтимал орын бон тосқауылдарының көмегімен оқшауланды.

«Самұрық-Қазына» қорының басшылығы апатқа қарсы жаттығу қорытындыларына оң баға берді. Қоғаммен байланыс, әлеуметтік-еңбек қатынастары және еңбекті қорғау жөніндегі басқарушы директор ҒибратАуғанов, бұл жұмыс Қор тобының кәсіпорындары өндірістегі ықтимал ТЖ-ға ден қоюға әрқашан дайын болуы үшін жалғастырылатынын атап өтті.

Анықтама үшін:

«Самұрық-Қазына» қорының компаниялар тобы өндірістік қауіпсіздіктікүшейту үшін қауіпті өндірістік объектілерде үнемі тактикалық жаттығуларөткізіп тұрады. Сәуір айында Үлбі металлургия зауытында ТЖ кезінде іс-қимылдар үйлесімді пысықталды. Қазан айында «ҚазТрансОйл»компаниясының Маңғыстау мұнай құбыры басқармасы объектісінде де осындай жаттығу ұйымдастырылды.