«Самұрық-Қазына» АҚ Басқарма төрағасы Нұрлан Жақыпов Orano компаниясының Директорлар кеңесінің төрағасы Клод Имовенмен кездесті.

Тараптар ынтымақтастық мәселелері мен атом өнеркәсібі саласындағы бірлескен жобаларды дамыту перспективаларын талқылады. Orano — Қазақстанның атом өнеркәсібіндегі ұзақ жылдардан бергі стратегиялық серіктесі.

Orano мен «Қазатомөнеркәсіп» компанияларының бірлескен кәсіпорны — «КАТСО» екі елдің уран өндіру саласындағы табысты әрі ұзақ мерзімді ынтымақтастығының басты үлгілерінің бірі болып қала береді.

Orano S.A. — халықаралық өнеркәсіп компаниясы, Францияның атом өнеркәсібіндегі көшбасшы ұйымы әрі уран өндіру саласында Қазақстанның стратегиялық серіктесі.