Қазақстандық делегация құрамында «Самұрық-Қазына» басшысы Нұрлан Жақыпов, ҚР Көлік министрі Нұрлан Сауранбаев және «Қазақстан темір жолы» АҚ басқарма төрағасы Елжас Отыншиев болды. Кездесу барысында тараптар көлік және логистика саласындағы стратегиялық серіктестікті дамыту, сондай-ақ Транскаспий халықаралық көлік бағыты (ТХКБ) аясындағы ынтымақтастықты одан әрі нығайту мәселелерін талқылады.

Азия мен Еуропа арасындағы тұрақты жүк тасымалын қамтамасыз етудегі ТХКБ рөлінің артып келе жатқаны аталды.

Тараптар сондай-ақ Қазақстан мен Әзербайжан арасындағы жүк тасымалының қазіргі ағынын, көлік саласындағы ынтымақтастықты нығайту, тасымалдардың тиімділігін арттыру және екі елдің транзиттік әлеуетін одан әрі дамыту жөніндегі шараларды талқылады.