«Самұрық-Қазына» мен Моңғолияның мемлекеттік холдингі Erdenes Mongol өзара түсіністік туралы меморандумға қол қойды.

Құжатқа Қазақстан мен Моңғолия президенттерінің қатысуымен «Самұрық-Қазына» АҚ басшысы Нұрлан Жақыпов және Erdenes Mongol LLC бас директоры Даваадалай Батсуури қол қойды.

Тараптар келесі негізгі стратегиялық бағыттар бойынша ынтымақтастықты дамытады:

• корпоративтік басқаруды жетілдіру және операциялық тиімділікті арттыру. Атап айтқанда, «Самұрық-Қазына» корпоративтік басқару саласындағы сараптамасы мен үздік тәжірибелерімен бөлісіп, Erdenes Mongol компаниясына жан-жақты қолдау көрсетеді;
• аса маңызды минералдарды бірлесіп зерттеу және барлау;
• Моңғолияда уранды геологиялық барлау және өндіру саласындағы өзара іс-қимыл.

Erdenes Mongol LLC – Моңғолиядағы стратегиялық пайдалы қазбалар кен орындарын басқаратын ірі мемлекеттік холдинг. Ол ондаған еншілес ұйымды біріктіріп, елдің шикізат секторындағы экспорттық кірістерін қалыптастыруда және экономикалық саясатында маңызды рөл атқарады.