KASE жылдық есептер байқауын қорытындылап, ашықтықтың жоғары деңгейін, ақпаратты ашудың толықтығын және корпоративтік басқарудың озық практикаларын ұстанған компанияларды атап өтті.

«Самұрық-Қазына» тобының компаниялары келесі номинациялар бойынша марапатталды:

• 2025 жылдың қорытындысы бойынша эмиссиялық белсенділігі үшін — лауреат «Самұрық-Қазына» АҚ;
• Ашықтыққа ұмтылғаны үшін — «ҚазМұнайГаз» ҰК» АҚ және «Эйр Астана» АҚ;
• Қаржылық емес сектордағы үздік жылдық есеп — лауреат «Қазатомөнеркәсіп» ҰАК» АҚ, жүлдегерлер «QazaqGaz» ҰК» АҚ және «ҚазМұнайГаз» ҰК» АҚ;
• Қаржылық емес сектордағы орнықты даму туралы үздік есеп — жүлдегерлер «Самұрық-Қазына» АҚ және «ҚазМұнайГаз» ҰК» АҚ;
• Листингіде жоқ компанияның үздік жылдық есебі — лауреат «Қазпошта» АҚ, жүлдегер «Samruk-Kazyna Construction» АҚ.

Марапаттар «Самұрық-Қазына» тобына кіретін компаниялардың корпоративтік ашықтығы мен ақпаратты жария ету сапасының жоғары деңгейін растайды.