Қордың еншілес кәсіпорны «Тау-Кен Самұрық» Cove Capital компаниясымен бірлесіп Солтүстік Қатпар және Жоғарғы Қайрақты кен орындарының жанынла вольфрамды терең өңдеу бойынша жоғары технологиялық өндірісті дамытуға ниетті.

2025 жылдың 6 қарашасында тараптар кен орындарын бірлесіп игеру туралы келісімге қол қойып, биыл 13 ақпанда сатып алу-сату шарты мен Құрылтай шарты жасалды.

Кездесуде қатысушылар жобаның ағымдағы жай-күйі мен даму перспективаларын талқылап, қол жеткізілген ілгерілеуді атап өтті.

Құжаттар пакетінің қол қойылуы жобаны іске асырудың тәжірибелік кезеңіне өтуге мүмкіндік беретіні ерекше айтылды.

Жобаны жүзеге асыру отандық тау-кен өндіру саласының дамуына елеулі үлес қосады.

Cove Capital компаниясы 2015 жылы құрылған. Компания жаңартылатын энергия көздері және тау-кен өнеркәсібі салаларына инвестиция салып келеді.