Делегация құрамына Вьетнамның мемлекеттік органдарының өкілдері және Вьетнамның дербес қоры — State Capital Investment Corporation (SCIC) директорлар кеңесінің төрағасы кірді.

Кездесу барысында тараптар Вьетнамның жетекші компанияларымен ынтымақтастықты дамыту және ұзақмерзімді стратегиялық серіктестікті нығайту мәселелерін талқылады. Sovico Group-пен стратегиялық серіктестікке, соның ішінде QAZAQ AIR әуе компаниясын сәтті жекешелендіруге және екі ел арасындағы достық және әріптестік қарым-қатынастарды нығайтудың маңызды факторы ретінде Қазақстанның авиация саласына Вьетнам инвесторларының қатысуына ерекше назар аударылды.

Кездесу соңында тараптар серіктестікті одан әрі нығайтуға сенім білдіріп, жаңа жобаларға қызығушылықтары барын айтты.