Тараптар 5G, жасанды интеллект және цифрлық трансформация саласындағы стратегиялық серіктестік пен жоғары технологиялық ынтымақтастық мәселелерін талқылады.

Сондай-ақ, «Қазақтелеком» және Kcell-мен бірлескен жобалар арқылы ZTE компаниясының Қазақстанның телекоммуникация инфрақұрылымын дамытуға қосқан үлесі, соның ішінде ұялы және тіркелген желілер, талшықты-оптикалық шешімдер мен 5G жабдықтары жайлы айтылды.

Кездесу тараптардың бірлескен жобалардың ауқымын кеңейтуге және серіктестікті нығайтуға өзара қызығушылықтары барын растады.

ZTE Corporation — телекоммуникация жабдықтары, байланыс жүйелері және ұялы құрылғылар өндірісімен айналысатын Қытайдың ірі мемлекеттік компаниясы.