Келіссөз барысында тараптар серіктестік перспективаларын және инвестициялық жобаларды қаржыландыру мәселелерін талқылады.

Нұрлан Жақыпов Citibank — «Самұрық-Қазына» компаниялары тобының көп жылдан бергі сенімді серіктесі екенін атап өтті. Компания қордың негізгі қаржы операцияларына қатысып, ірі жобаларды қаржыландыруды ұйымдастыруға және еурооблигациялар шығаруға атсалысқан.

Citigroup — 1998 жылы Citicorp пен Travelers Group компанияларының бірігуі нәтижесінде құрылған, әлемдегі ірі қаржы конгломераттарының бірі. Бас кеңсесі Нью-Йорк қаласында орналасқан. Банк кең ауқымды қаржы қызметтерін ұсынады және әлемнің 140-тан астам елінде жұмыс істейді.