Жаңаөзен қаласында адам капиталын дамытуға және өңірдегі өмір сапасын жақсартуға бағытталған Bolashaq Sarayi атты оқушылар сарайы ашылды.

Нысанды қаржыландыруды «Самұрық-Қазына» қорының қайырымдылық және әлеуметтік бастамалары аясында «Өзенмұнайгаз» ұйымының қатысуымен «ҚазМұнайГаз» АҚ қамтамасыз етті.

Жоба жыл сайын Жаңаөзендегі мыңдаған оқушыны білім беру бағдарламаларымен қамтуға мүмкіндік береді. 

Жаңа кешенде цифрлық технологиялар, инженерия, жаратылыстану ғылымдары, өнер, музыка және спорт бағыттары бойынша оқыту мүмкіндіктері бар.

Жоба Маңғыстау облысының әлеуметтік инфрақұрылымының маңызды бөлігіне айналды. Ол балалар мен жасөспірімдерге қосымша білім беру үшін заманауи жағдай қалыптастыруға бағытталған.