Жүйе нақты уақыт режимінде нысандарда қауіпсіздік техникасы мен еңбекті қорғау талаптарының сақталуын бақылайды. Атап айтқанда: қорғаныш каскаларының болмауын, қызметкерлердің қауіпті аймақтарда болуын, күмәнді заттарды, апаттық жағдайлардың белгілерін (түтін, от, бу) анықтайды.

Компания нысандарында қазірдің өзінде 1500-ден астам бейнекамера орнатылған, тағы 400 данасын орнату жоспарланып отыр. Жүйе тиімді екенін дәлелдеді: алғашқы айлардан-ақ оның көмегімен 100-ден астам ереже бұзу жағдайлары анықталған.

Аталған шешім - өндірістегі жарақаттануды азайтуға және апаттардың алдын алуға бағытталған проактивті құрал. 2026 жылы жобаны одан әрі дамыту көзделіп отыр: хабарландыру және байланыс жүйелерін, сондай-ақ көліктегі бейнетіркегіштерді интеграциялау жоспарланған.