Аталған жобаның стратегиялық маңызы бар және мегаполистің энергетикалық қауіпсіздігі мен тұрақты дамуына тікелей әсер етеді.

Іссапар барысында құрылыс алаңдары тексеріліп, жобаны іске асыру мәселелері талқыланды.

Алматы ЖЭО-2-ні жаңғырту жобасы аясында станцияны табиғи газға көшіру көзделген. Бұл - қаладағы экологиялық ахуалды едәуір жақсартуға мүмкіндік береді. 2026 жылы жұмыстар аяқталғаннан кейін зиянды шығарынды көлемі жылына 37,3 мың тоннадан 2,7 мың тоннаға дейін, шамамен 14 есе қысқарады. Сондай-ақ, орнатылған электр қуаты 510-нан 557 МВт-қа дейін ұлғайтылмақ.