Қарағанды қаласында аутизмі және менталдық ерекшеліктері бар балаларға арналған «Қамқорлық» орталығы ашылды. Мұнда жыл сайын 125 баланың бейімделуі мен дамуы үшін қолдау көрсетіледі.

Орталық «Самұрық-Қазына» АҚ-ның бірыңғай қайырымдылық операторы — «Samruk-Kazyna Trust» қоры, «Қазақстан халқына» қоры, «Қамқорлық қоры» және Қарағанды облысы әкімдігінің серіктестігімен құрылды.

Балаларға ABA-терапия, эрго және кинезитерапия, арт-терапия, сенсорлық интеграция және басқа да әдістемелер ұсынылады, сондай-ақ логопед, дефектолог және психологтармен сабақтар жүргізіледі. Сонымен қатар, нәтижелерді жақсарту мақсатында жұмыс тек балалармен ғана емес, олардың ата-аналарымен де жүргізіледі.

2020 жылдан бері Қарағанды облысында «Samruk-Kazyna Trust» қоры жалпы құны 678,2 млн теңге болатын 11 әлеуметтік жобаға қолдау көрсетті. Олардың қатарында «Қамқорлық» ерте араласу орталығы, инклюзивті спорт секциялары, сондай-ақ Нұра ауылындағы спорт кешені бар.