РУС ENG КАЗ

«Самұрық-Қазына» Ұлттық әл-ауқат қоры» АҚ

47696
LANGUAGE_ID=kz IBLOCK_ID=42

Отандық тауар өндірушілермен бірінші ұзақмерзімді оффтейк-шарттарға қол қойылды

281
30.11.2018 16:51

Бүгін Астанада «KEGOC» АҚ мен «Asia Trafo» ЖШС, сондай-ақ «KazTransOil» АҚ мен «KMG Automation» ЖШС арасында бірінші ұзақмерзімді оффтейк-шарттарға қол қойылды.

Бұл жобалар жұмыс істеп тұрған өндірістерді жаңғыртуға жәрдемдесу және жаңа өндірістерді құру бағдарламасы аясында отандық тауар өндірушілерге қолдау көрсету, импортты алмастыру мақсатында «Самұрық-Қазына» АҚ бастамасымен жүзеге асырылуда.

Айта кеткен жөн, осы жылдың маусым айында шағын және орта бизнесті жүйелі қолдау мақсатында «Самұрық-Қазына» қоры мен «Атамекен» ұлттық кәсіпкерлер палатасы арасында өзара іс-қимыл туралы келісімге қол қойылды. Бұл бағытта отандық өңдеуші өнеркәсіптің бәсекеге қабілеттілігін арттыруға баса назар аударылып отыр.

Келісімге сәйкес «Атамекен» ҰКП бағдарламаға қатысуға қызығушылық танытатын отандық компанияларды табады, ал Қор оларды кепілдендірілген тапсырыстармен қамтамасыз етеді.

«Бұл бастамалар жаңа өндірістерді құру, жұмыс орындарының санын ұлғайту, бюджетке түсетін салық түсімдері бағытында бизнестің инвестициялық белсенділігін ынталандырады»,- деп атап өтті «Самұрық-Қазына» АҚ Операциялық қызмет жөніндегі басқарушы директоры Әлішер Пірметов.

;«Самұрық-Қазына» қоры тарапынан 2 млрд теңгеге жуық көлемде кепілдендірілген ұзақмерзімді тапсырыспен қамтамасыз ету арқасында «Азия Asia Trafo» ЖШС импортты алмастыратын жоғары вольтті құрал-жабдықтарды шығару өндірісін оң жолға қойды. Жаңа жұмыс орындары құрылды, таяу және алыс шетелге экспортқа бағытталған өндірісті дамытудың ұзақ мерзімді бағдарламасы түзілді.

«ҚазМұнайГаз» тобы компанияларымен жасалған кепілдендірілген оффтэйк-шарттың арқасында  жаңа «KMG Automation» кәсіпорны кемінде 250 млн теңгеге қысым датчиктерін құрастыруға тапсырыс алады. Бұл бірлескен кәсіпорын қысым датчиктерін Қазақстанда және таяу шет елдерде аналогы жоқ озық технологиялардың негізінде шығарады.

Ұзақ мерзімді оффтэйк шарттар – бұл тапсырыс берушілердің үлкен көлемде импортталатын тауарларды сатып алу бойынша кейінгіге қалдырылған міндеттемелері. Бұл тауарлардың арасынан жаңа трансферттік технологияларды тарта отыра Қазақстанда игеруге болатын түрлері анықталады.

Пікірлер (0)
Алғашқы болып пікір жазыңыз
captcha



«Самұрық-Қазына»
ұлттық әл-ауқат қоры»
акционерлік қоғамы
Қазақстан Республикасы, 010000, Астана қаласы

Заңды: Е 10 көшесі, 17/10 үйі
Нақты: Е 10 көшесі, 17/10 үйі

Колл-центр:
+ 7 (7172) 55 40 01
Канцелярия:
+7 7172 554077, +7 7172 552630, +7 7172 552681, +7 7172 552007




Қоржын компаниялар
© 2009-2019 АО «Самрук-Қазына»
Соглашение о пользовании сайта «Фонд национального благосостояния «Самрук-Қазына»
Посетителей: 543 266 уникальных | 1 984 888 всего