Sovereign Wealth Fund «Samruk-Kazyna» JSC
«Эйр Астана» — акцияларының 51 пайызын Қазақстан Республикасының ұлттық әл-ауқат қоры «Самұрық-Қазына», ал 49 пайызын BAE Systems (Ұлыбритания) компаниясы иеленген біріккен кәсіпорын.
«Эйр Астана» тұрақты рейстерді 2002 жылдың 15 мамырында орындай бастады. Бүгінде бағдар желісі Алматы мен Астана тораптарынан орындалатын 60-тан астам ішкі және халықаралық бағыттарды қамтиды. Компанияның әуе флоты батыста жасалған Boeing 767-300ER, Boeing 757-200, Airbus A320 және Embraer E190 түріндегі 30 ұшақтан тұрады. «Эйр Астана» — ТМД және Шығыс Еуропа елдері тасымалдаушыларының арасында 2012 жылы халықаралық Skytrax агенттігінің беделді 4 жұлдыз рейтингісіне және Орталық Азия мен Үндістанның үздік әуе компаниясы атағына ие болған алғашқы компания. Екі сыйлық та 2013, 2014, 2015, 2016 және 2017 жылдары расталды.
